Навіны і аб’явы



Святая Сям’я з’яўляецца прыкладам для нашых сем’яў. Святы Юзаф – дасканалы прыклад для айцоў – працавіты, разважлівы, заклапочаны аб доме. Найсвяцейшая Панна Марыя з’яўляецца ідэалам найлепшай маці. А Езус – непараўнальны Сын, Які будучы Богам быў паслухмяны Бацькам і шанаваў кожнае Іх слова. Шчыра дзякуем усім за супольную малітву, за прыбіранне капліцы, за складзеныя ахвяраванні і за ўсялякую аказаную дапамогу. Асабліва дзякуем за ахвяры складзеныя на будову касцёла. Няхай Добры Бог узнагародзіць вашую шчодрасць і дабрыню. Свята Святой Сям’і – гэта таксама свята нашых сясцёр назарэтанак, заахвочваем да малітвы ў іх інтэнцыі, асабліва за с. Мар’янну і с. Агнешку.



27 студзеня, у парафіяльную ўрачыстасць Святога Яна Евангеліста, нашу парафію наведае арцыбіскуп Тадэвуш Кандрусевіч, Мітрапаліт Мінска-Магілёўскі. Яго Эксцэленцыя ўзначаліць святую Імшу а 12-й гадзіне. Плануецца анлайн-трансляцыя.



З-за каранавіруса могуць закрыць межы, увесці масачны рэжым, забараніць канцэрты і абмежаваць паходы ў кафэ. Некаторыя нават кажуць: свет у гэтым годзе спыніўся. Але нязменным на працягу доўгага часу застаецца адно — Нараджэнне Езуса Хрыста.



24 снежня (чацвер)

  • 06.45 – Рараты
  • 20.00 – Урачыстая Святая Імша з удзелам дзяцей – Пастэрка (транслюецца анлайн)
  • 21.30 – Урачыстая Святая Імша – Пастэрка
  • 23.00 – Урачыстая Святая Імша – Пастэрка (транслюецца анлайн)

25 снежня (пятніца) - урачыстасць Нараджэння Пана Езуса

  • Святая Імша – 9.00, 10.30, 12.00 (транслюецца анлайн), 18.00.

26 снежня (субота) – Свята св. Стэфана, першамучаніка

  • Святая Імша – 19.00.

27 снежня (нядзеля) – свята Святой Сям'і: Езуса, Марыі і Юзафа і парафіяльная ўрачыстасць Св. Яна, апостала і евангеліста

  • расклад нядзельны


Перадсвяточны час у мінулых гадах адзначаўся часам яднання ўсёй нашай парафіі на аплаткавых сустрэчах. Але ў незвычайным 2020 годзе адбылася толькі адна аплаткавая сустрэча: для парафіяльнай групы ДМХ «Адзіныя сэрцам».



Увечары 19 снежня ў мінскі катэдральны касцёл Найсвяцейшага Імя Марыі скаўты нашай парафіі даставілі Бэтлеемскі агонь, які напярэдадні прыбыў ў Беларусь са Святой Зямлі.



Шчыра дзякуем усім за супольную малітву, за прыбіранне капліцы, за складзеныя ахвяраванні і за ўсялякую аказаную дапамогу. Дзякуем каталіцкім скаўтам за служэнне ў распаўсюджванні Бэтлеемскага агоню "Святла Супакою", не толькі ў нашай парафіі, але і ў шматлікіх паррафіях нашай краіны. Асабліва дзякуем за ахвяры складзеныя на будову касцёла. Няхай Добры Бог узнагародзіць вашую шчодрасць і дабрыню. На гэтым тыдні ў літургіі адзначаем: 24 снежня (чацвер) Святыя Імшы ў гэты дзень: 06.45 – Рараты, 20.00 – Урачыстая Святая Імша з удзелам дзяцей - Пастэрка 21.30 – Урачыстая Святая Імша - Пастэрка 23.00 – Урачыстая Святая Імша – Пастэрка 25 снежня (пятніца) – УРАЧЫСТАСЦЬ НАРАДЖЭННЯ ПАНА ЕЗУСА Святыя Імшы ў гэты дзень а 9.00, 10.30, 12.00 і 18.00.



Сёння з намі Таццяна Мазун — чалавек неверагоднага лёсу, хрысціянка з адкрытым сэрцам, якая шукае Пана Бога ў сваім жыцці. Творчая, глыбокая, вясёлая натура, час ад часу трапляючая ў авантуры.



У сувязі са складанай эпідэміялагічнай сітуацыяй, каб прадухіліць стварэнне натоўпу і забяспечыць сацыяльную адлегласць паміж вернікамі падчас святочных набажэнстваў, было вырашана 24-га снежня правесці тры цэлебрацыі Імшы Пастэркі: у 20.00, 21.30 і 23.00 (транслюецца анлайн).

Просьба да парафіянаў вызначыцца, у які час прыняць удзел у святой Імшы, і запісацца ў спецыяльных картках пры выхадзе з капліцы альбо даслаць паведамленне святарам на парафіяльную электронную пошту (Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду.).



11-13 снежня ў парафіі праходзілі адвэнтавыя рэкалекцыі. Праводзіў іх кс. Ян Шарук SAC.

Дарагія сябры! Просім падтрымаць будаўніцтва нашага касцёла і дзейнасць парафіі. Шчыра дзякуем за дапамогу, молімся за ўсіх ахвярадаўцаў.